Í dag vita útlendskir miðlar at siga, at fleiri fólk lótu lív, tá toran sló niður í eina flóttafólkalegu í Uganda.
Lokala løgreglan sigur, at tilsamans 14 fólk lótu lív, og 34 onnur fingu løstir í hendingini.
BBC veit at siga, at øll, sum lótu lív, vóru børn.
Tað var undir einari gudstænastu í flóttafólkaleguni Palabek, at toran sló niður og gjørdi feigdina um seg.
Palabek í liggur í útnyrðingspartinum av Uganda.
BBC veit at siga, at fleiri av teimum, sum vóru í flóttafólkaleguni, eru úr Suðursudan.
- Her hevur seinastu tíðina verið nógv regn og herviligt toruveður, verður lagt aftrat.
