USA hevur fyri fyrstu ferð skrásett oman fyri 2000 deyð av koronavirus í 24 tímar. Harumframt er talið av smittaðum í USA vaksið til yvir 500.000.
Sambært tølum frá Johns Hopkins University í morgun eru 2021 fólk deyð í tíðarskeiðnum frá klokkan 04 síðstu nátt til klokkan 04 í nátt.
Í sama tíðarbili samdøgrið frammanundan var talið 1904.
Tilsamans eru 18.693 fólk í USA deyð av koronavirus. Bara í Italia eru fleiri fólk deyð, 18.849.
Talið av smittaðum er sambært Johns Hopkins-uppgerðini farið um eina hálva millión við tilsamans 500.399.
Koronavirusið hevur rakt New York City og statin New York harðast. Bara í størsta býi í USA eru skrásett 5.820 deyð.
/ritzau/
