Noreg er júst komið við nýggjastu smittutølunum, og úrslitið er, at landið seinasta samdøgur hevði 303 nýggjar covid-19 tilburðir. Tað er fýra tilburðir færri enn miðaltalið fyri hvønn dagin seinastu sjey dagarnar.
Hósdagin vórðu staðfestir 289 nýggir smittutilburðir, og mikudagin var talið 353. Størsta smittutal, sum Noreg hevur havt í eitt samdøgur, var hin 16. mars, tá talið av nýggjum tilburðum var 1150.
Sambært norskum miðlum, sum regluliga gera tølini upp, eru smittutølini í Noregi sum heild minkandi, tó at 15 kommunur enn hava veksandi smittu.
Higartil hevur Noreg havt 126.521 smittutilburðir. Í løtuni eru 62 fólk innløgd á norskum sjúkrahúsum við covid-19, og tilsamans eru 785 fólk deyð.
