Ikki síðani 2004 hevur AC Milan vunnið italsku landskappingina, men nú teir bara eitt stig frá at koppa grannunum úr Inter av toppinum. Síðani Calciopoli skandaluna í 2006, sum rakti flestu toppliðini í Italia, hevur Inter Milan siti á fremsta plássinum í Seriu A. Men í ár sær út til, at tað verða grannarnir úr AC Milan, ið fara at vinna fyrsta italska meistaraheitið síðani 2004.
AC Milan hevði í vikuskiftinum vitjan av Bologna. Tað bleiv til ein tepran 1-0 sigur til teir reyðu og svørtu. Tað var fyrrverandi Arsenal miðvallarin, Mathieu Flamini, ið skoraði einsamalla málið í dystin longur eftir átta minuttir.
Inter Milan gjørdi sína skyldu á útivølli móti Cesena, har fyrrverandi Sampdoria framherjin, Giampaolo Pazzini, skoraði tvey mál í tíðini, sum dómarin hevði lagt afturat. Eisini Napoli, sum liggur á triðja pássi, greiddi sína skyldu og vann 1-0 á Genoa við mál frá Marek Hamsik.
AC Milan er átta stig frammanfyri Inter Milan, sum liggur nummar tvey, nú trý umfør eru eftir í Seriu A.
