Afganski forsetin, Ashraf Ghani, er í løtuni í Sameindu Arabisku Emiratunum saman við familju síni.
Tað upplýsir uttanríkisráðið í Sameindu Arabisku Emiratunum.
Forsetin hevur dag sjálvur úttalað seg í eini video.
Ghani fór úr Afganistan, tá hernaðarliga talibanrørslan sunnudagin 15. avugust tók landsins hvøuðsstað, Kabul.
Higartil eru eingi almenn boð komin um, hvaðar Ghani er flýddur. Men í dag ljóðar, at Ghani og familja eru flýdd til landið á Arbisku Hálvoynni.
– Uttanríkisráðið hjá Sameindu Arabisku Emiratunum kann vátta, at Sameindu Arabisku Emiratini hava boðið Ashaf Ghani og familju hansara vælkominum av menniskjansligum orsøkum, verður sagt í boðum.
Ashraf Ghani greiðir í sjónbandaupptøku í dag frá, at hann kendi seg noyddan at flýggja fyri at sleppa undan blóðbað.
Harafturat vísir hann aftur skuldsetingar um, at hann hevur tikið við sær stóra peningaupphædd. Afganski sendimaðurin í Tadsjikistan segði í dag, at Ghani tók 169 milliónir dollarar við sær úr Afganistan.
Tær skuldsetingarnar kallar forsetin »grundarleysar« og »lygnir«.
Ashraf Ghani gjørdist forseti í Afganistan í 2014. Hann hevur síðani staðið á odda fyri eini stjórn, sum hevur verið stuðlað av Vesturheiminum.
Eftir at hann flýdddi hevur talibanrørslan tikið valdið í landinum. Tað er tó enn eingin nýggj stjórn ella almennur leiðari settur í Afganistan.
Hertøkan hjá Taliban av Kabul sunnudagin kom eftir fleiri stríð í fleiri dagar.
Dagarnar frammanundan hevði rørslan tikið fleiri landspartahøvuðsstaðir, áðrenn hon tók høvuðsstaðin og forsetaborgina.
Hertøkan hjá Taliban í Afganistan hendir, eftir at amerikanskar deildir og teirra sameindu høvdu tikið seg úr landinum.
Ein samgonga undir amerikanskari leiðslu gjørdi innrás í Afganistan í 2001 eftir álopini á USA 11. september í 2001.
Hernaðarliga samgongan al-Qaeda undir leiðslu av Osama bin Laden stóð fyri álopunum, sum millum annað raktur Wordl Trade Center í New York.
Taliban helt tá hondina yvir Osama bin Laden.
/ritzau/Reuters
