Felagið er í trongum fíggjarligum skóm, og spælararnir eiga rós fyri, at teir hava lyft stór tøk, hóast teir ikki hava fingið løn í fleiri mánaðir.
Soleiðis hevur Jákup á Borg venjari hjá B68 sagt, men nú er hetta søga.
Sosialurin skrivar í dag, at allir spælararnir í síðstu viku – vikuni undan steypafinaluni – fingu alla lønina, sum teir áttu til góða.
Í hesi vikuni hevur B68 boðað frá um fleiri spælarar, sum hava skrivað undir nýggja sáttmála við felagið.
##med2##
Í kvøld veit B68 at siga, at tvíburarnir Aleksandur og Bárður Ó. Jensen hava skrivað undir sáttmálar, sum bera við sær, at teir eisini í 2024 og 2025 fara at spæla við B68.
-Vit báðir eru sera spentir uppá tey 2 næstu árini við barndómsfelagnum og eru vísir í, at tað býr nógv meira í hesum evnaríka hópinum, siga Jensen tvíburarnir við B68 síðuna á facebook.
Teir hava í ár báðir verið vongverjar og miðvallarar, og Aleksandur Ó. Jensen, sum er liðformaður, hevur eisini verið í miðverjuni.
Í gjár visti B68 at siga, at Fríði í Túni Petersen og Aron Reinert Hansen hava skrivað undir uppá, at teir eisini í 2024 fara at spæla við B68.
Fríði er vongverji, og Aron er miðverji.
##med3##
