Nú er arbeiðið boðið út at byggja nýggjan bygning til Sjóvinnustýrið. Bygningurin verður á Giljanesi og Landsverk sigur, at freistin at lata tilboð inn, er á miðdegi 19. mars.
Ætlanin at útvega Sjóvinnustýrinum nýggj umsitingarhøli í Vágum, er fleiri ára gomul, men tað er ikki fyrr enn nú, at gongd kemur á.
Sjóvinnustýrið var í Vágum, men flutti úr hølunum, tí umstøðurnar vóru so vánaligar, og síðani hevur stovnurin hildið til í Havn, men tá ið nýggi bygningurin er liðugur, verður flutt vestur aftur.
Bygningurin verður mettur at kosta einar 26 milliónir. Í fjør vórðu 5,3 milliónir krónur játtaðar til endamálið, í ár eru níggju milliónir settar av, og næsta verða 12 milliónir settar av.
