Tíðindastovan NTB veit í morgun at siga, at rakettálopini hjá bæði Iran og Ísrael á mál hjá hvørjum øðrum hildu fram í nátt.
Bæði Tel Aviv í Ísrael og Teheran í Iran heittu á sivilar borgarar hjá mótpartinum um at rýma úr stórbýunum, tí álop vóru væntandi.
Iranska kollveltingarhirðin sigur seg í nátt hava skotið hypersoniskar Fattah-1-rakettir móti ísraelskum flogvallum.
Vanliga verður sagt, at ein hypersonisk rakett er ein rakett, sum ferðast skjótari enn ljóðið.
Sambært ísraelsku ávísini, Haaretz, vórðu 25 rakettir sendar úr Iran í tveimum umførum.
Á hinari síðuni hevur Ísrael eitt nú lopið á eina rakettverksmiðju uttan fyri iranska høvuðsstaðin, Teheran.
NTB veit eisini at siga, at Ísrael hevur lopið á sonevnda Imam Hussein-universitetið, ið sagt verður at hava tilknýti til iransku kollveltingarhirðuna.
