Kl. 17 í morgin verður vinnarin av stóru AME sangskrivarakappingini avdúkaður, men longu fyrr seinnapartin fáa lurtararnir í hjá Útvarpinum høvið at hoyra øll 21 løgini, ið eru tilnevnd. Í sambandi við avdúkingina av vinnaranum í sangskrivarakappingini hevur Útvarpið Spæl føroyskt dag, har einans føroyskur tónleikur verður spældur.
Í seinnpartssendingini Bylgjuni, ið er frá klokkan 15:00 til 18:00, verður bert nýggjur føroyskur tónleikur spældur. Sent verður beinleiðis úr Norðurlandahúsinum, tá landsstýrismaðurin við Mentamálum, Jógvan á Lakjuni avdúkar vinnaran. Men áðrenn tað verða øll 21 løgini, ið eru tilnevnd í sangskrivarakappingini spæld í Útvarpinum fyri fyrstu ferð.
Hesi løg eru av so góðari góðsku, at ein av dómarunum plátufelagsstjórin Jens Ove Friis, hevur lovað at senda vinnandi lagið út sum stakfløgu í Danmark, líkamikið hvør vinnur.
Tey 21 løgini eru:
Arons Song - Hans Olivur Joensen
Aware of it - Brandur Enni, Lars Kilmann Jansson
Big Shot - Brandur Jacobsen Tórshavn
Dadadie - Búi E Dam
Drain me - Rannvá Jacobsen og Angu Motzfeldt
Dýrdarkvøld - Kári Sverrisson
Fjøllini standa úti - Jens L. Thomsen og fleri
Grát ei - Eivør Pálsdóttir
Kynda Bál - Jensina Olsen
Love is dead - Guðrið Hansen
Mary - Ronni Poulsen
Mín varði - Elin Heinesen
Møttust vit á Penny Lane - Heri Nolsøe
Out on the Road - Trygvi D. Strøm og Kristina renfro
Secrets to conceal - Boys in a Band
Silvurfuglur - Finnbjørn Hansen og KIM Hansen og Jóanes Hansen
So called paradise - Sigrið Rasmussen(Lloyd Garret)
The Cute Little Club - Petur Háberg
Til ein vin - Margreta á Rógvi
Wasted - Lena Anderssen, Bárður Háberg Óli Jógvansson
You got a hero in me - Árni Øregaard
(Raðfylgjan er alfabetisk, ikki prioriterað eftir stigum)
