Westward Ho siglir av Høgukei í Havn kl. 18, har møguleiki er at sigla við út til Nólsoyar, tað er avmarkað pláss umborð, so “først til møllen”. Annars siglir Ternan úr Havn kl. 19.
Tá Westward Ho nærkast Nólsoy, tekur Diana Victoria ímóti, um tað viðrar. Og fylgjast bátarnir seinasta teigin inn til Nólsoyar.
Í Nólsoy verður bryggjudansurin í einum tjaldi á kaiuni, har Havnar Harmonikufelag og lokalir tónleikarar spæla.
Westward Ho kemur at liggja við kaiina í Nólsoy, har høvið verður at vitja umborð, til hugnaliga samveru.
Høvið verður at keyp Vinu vaflur (uppskrift frá Vinu mammu Ova), kaffi, fiskasuppa og okkurt leskiligt til góman.
Ternan siglir úr aftur Nólsoy kl. 22.20.
Ynskist, er møguleiki at sleppa úr aftur Nólsoy aftaná kl. 22.20 við Tórshavn Sea Adventures.
##med2##
