Høvið til hetta er venjingarlega, sum Fremad Amager fer á seinast í februar mánaði.
Men umframt at senda spælararnar til knallharða venjing í bakandi sól, gevur føroyska fótbóltsfelagið nú eisini føroyingum møguleikan at koma við á venjingarleguna. Tó við nakað minni av hørðum arbeiði undir sólini. Saman við Atlantic Airways, sum frá byrjan hevur verið partur av Fremad Amager-konseptinum, selur Fremad Amager nevnliga frítíðarferð til føroyingar í tíðarskeiðinum, sum venjingarlegan er.
