B36 eigur stóran leiklut í kappingini um at flyta upp

Næstsíðsta umfar í næstbestu deildini verður nú seinnapartin. Allir fimm dystirnir vera klokkan 15.30.

Tað er stórur spenningur um, hvussu tað verður við uppflytingini. Trý feløg eru við í tí kappingini. Tey eru FC Suðuroy, TB og B71. Spurningurin er, um talan verður um ein ella tveir beinleiðis uppflytarar.

FC Suðuroy, sum liggur best fyri í tí kappingini, er í dag á Argjum. AB hevur lítlan møguleika at flyta upp, men so skal nógv laga seg argjamonnum til fyrimunar, um tað skal eydnast at flyta upp.

TB og B71 eiga heimavøll ímóti ávikavíst HB og KÍ, og har eru heimaliðini stórfavorittar.

Víkingur er stórfavorittur at vinna gull í næstbestu deildini í dag – og at vinna gull í bestu deildini í morgin. Í 2019 vann KÍ gull í bæði bestu og næstbestu deildini. Í 2020 vann Víkingur gull í næstbestu deildini, og víkingarnir hava síðani kappast um fremsta plássið burtursæð frá í fjør, tá ið teir endaðu á fjórða plássi.

Saman við Víkingi hevur B36 møguleika at forða fyri, at talan verður um tveir beinleiðis uppflytarar. Treytin fyri beinleiðis uppflyting er, at liðið endar á heiðursmerkjaplássi. Í løtuni er B36 á heiðursmerkjaplássi, og í dag er B36 stórfavorittur í grannauppgerðini ímóti niðurflutta FC Hoyvík. Men tað hevur ikki gingið væl hjá árstalsfelagnum seinastu ferðirnar.

26. august tapti B36 1-0 tapti B36 1-0 á heimavølli ímóti FC Hoyvík. Síðani hevur B36 vunnið 4-1 ímóti HB og tapt ímóti B71 (ú), FC Suðuroy (ú), KÍ (h) og NSÍ (h). Í síðsta umfari, sum verður fríggjadagin, fer B36 at spæla á útivølli ímóti Víkingi.  

Í dag klokkan 15.30

NSÍ – Víkingur: Høgni Madsen

B36 – FC Hoyvík: Kári J. á Høvdanum

AB – FC Suðuroy: Rúni Gaardbo

B71 – HB: Áki Leitisstein Hansen

TB – KÍ: Rani Andrasson Skaalum