Í gjár vóru innleiðandi dystirnir í einmansleiki, tvímansleiki og blandaðum tvímansleiki spældir í Reykjavík International Games. Føroysku spælararnir stóðu seg væl.
Les eisini: Føroyar vunnu øðrvísi landsdystir móti Íslandi
Badminton sambandið sigur, at talan var um fleiri spennandi, tættar og gevandi dystir. Samanlagt hava føroyingar vunnið seg í 38 av 51 møguligum hálvfinalum. Tað er nýtt met, og tá er enntá talan um at í onkrum av hálvfinalunum standa føroyingar báðumegin netið.
- Føroysku badmintonspælararnir eru í stóri menning, og at sleppa til eina kapping uttanlands gevur teimum dirvi at dríva á við venjingini, verður sagt úr badmintonsambandinum.
Føroysku spælararnir hitaðu upp til RIG, við at vinna heldur øðrvísi ungdómsbadmintonlandsdystir móti Íslandi í aldursbólkunum U13, U15 og U17. Í dag eru hálvfinalurnar og finalurnar á skránni.
