Talan gjørdist um eitt soltið føroyingakvøld í bestu donsku hondbóltsdeildini í kvøld.
Vilhelm Poulsen, ið gjørdist toppskjútti hjá Lemvig-Thyborøn við átta málum móti Sønderjyske í undanfarna umfari kom ongantíð í somu snúningar í kvøld.
Lemvig-Thyborøn tapti tepurt 24-25 fyri Fredericia á heimavølli. Fredericia skoraði sigursmálið beint áðrenn tíðin var farin. Vilhelm Poulsen skoraði eitt mál uppá tvær málroyndir í kvøld.
Hákun West av Teigum skoraði eitt mál, tá hann og liðfelagarnir í Skanderborg-Århus á heimavølli taptu 28-33 fyri Aalborg, ið hevur Mikkel Hansen á liðnum. Mikkel Hansen gjørdi eisini toppskjútti hjá Aalborg við níggju málum. Í steðginum var Aalborg á odda 17-13.
Skanderborg-Århus og Lemvig-Thyborøn standa enn við ongum stigi aftaná tveir teir fyrstu dystirnar hetta kappingarárið.
Leygardagin klokkan 17 hevur Lemvig-Thyborøn torføran útidyst móti Aalborg. Dagin eftir klokkan 17.30 spælir Skanderborg-Århus á útivølli móti Holstebro.
