Verður tilmælið hjá Fiskidaganevndini sett í gildi, sleppa føroyingar ikki á fjørðin ella víkina at fáa sær eitt kók. Fiskidaganevndin er nú liðug við tilmælið, sum hon sambært lógini skal lata landsstýrismanninum í fiskivinnumálum á hvørjum ári, tá reglurnar fyri næsta fiskiár skulu setast.
Tilmælið hjá Fiskidaganevndini er í stuttum:
Øll veiða á innaru fiskidagsleiðunum verður bannað frá 20. apríl og tríggjar vikur fram,
øll veiða á firðum og sundum, eisini sokallaður frítíðarfiskiskapur, verður steðgað í tvey ár,
betri eftirlit við hjáveiðuni hjá svartkjaftatrolarunum,
Føroya Banki skal steingjast fyri allari veiðu í tvey ár við undantaki av landssynningskantinum,
Meirilutin í nevndini, vinnuumboðini, mæla til óbroytt fiskidagatal næsta ár. Formaðurin, Óli Samró, mælir til at skarva 20 prosent av dagatalinum hjá bólkunum 3 og 5.
Umframt Óla Samró eru Dánjal Jacobsen, Dánjal Jákup Vilhelm, Jens Jacob Olsen, Auðunn Konráðsson og Eyðun Johannesen í Fiskidaganevndini.
