Barcelona er í einum flokki fyri seg í sponsku landskappingini. Teir eru 11 stig frammanfyri Atletico Madrid á øðrum plássi, og 18 stig frammanfyri Real Madrid.
Katalanska stórfelagið hevði í kvøld, á pappírinum, eina av torføru uppgávunum, tá teir vóru gestir í Malaga, sum liggur nummar fimm. Men Barcelona er í einum flokki fyri seg, og vann uttan stórvegis hóvasták 3-1.
Lionel Messi er júst kosin til heimsins besta fótbóltsspælara fyri fjórðu ferð upp í slag. Tí var útfallið givið, tá Malaga miðvallari var óansin og spældi Lionel Messi púra frían móti egnum málið. Lávaksni bóltsnillingurin fintaði málmannin á dintilin og trillaði bóltin í tóma málið.
Í seinna hálvleiki øktu Cesc Fabregas og innskifti Thiago til 3-0, áðrenn Diego Buonanotte minkaði um munin og segði góða nátt við einum máli upp á beinleiðis fríspark.
Real Madrid spældi málleysan javnleik móti Osasuna í gjár. Cristiano Ronaldo hevði leikbann eftir fimm gul kort, meðan Kaka varð útvístur. Atletico Madrid greiddi sína skyldu og vann 2-0 á Real Zaragoza.
La Liga:
Malaga Barcelona 1-3 (0-1)
