Ofta verður tikið til, at føroyingar duga ikki at selja til fremmand ferðafólk, og vísti verður ofta til, at handlarnir »tíma« ikki at hava opið, tá fremmandu ferðamannaskinini eru her.
Men tað hevur GreenGate Incoming gjørt nakað við.
Í gjár og í dag er ein sølubúð opin í Niels Finssensgøtu 5, har sum Kjallarin var. Hon miðar sjálvandi móti ferðamannaskipunum og teimum ferðafólkum, ið har eru við, men føroyingar eru so sanniliga eisini vælkomnir á vitjan.
Sølubúðin er opin í dag fram til klokkanb 16, og sunnudagin 12. august verður eisini opið, tá frá klokkan 07 fram til klokkan 14.00.
