Í kvøld verður bólkur F, sum eisini verður nevndur krútbólkurin, avgjørdur. Í kvøld spæla Týskland og Ungarn, og Portugal og Frakland. Enn kunnu øll fýra liðini vinna seg víðari.
Frakland hevur vunnið sær víðari luttøku. Við sigri á Portugal er fyrsta plássið tryggjað, meðan Portugal er víðari við javnleiki. Í ringasta føri kann Portugal rúka, um teir tapa og Ungarn fremur eitt bragd í Týsklandi.
Týskland skal bara ikki tapa móti Ungarn, so eru teir víðari. Týskland kann bæði vinna bólkin og enda aftast. Ungarn er hart kroyst í botninum við bara einum stigi. Her er kravið stutt og greitt ein sigur.
Dysturin í Munchen hevur fingið eina dimentión afturat, eftir at UEFA hevur noktað týska Fótbóltssambandinum at lýsa leikvøllin upp til ælabogalitunum. UEFA sigur, at hetta í hesum samanhanginum er ein politiskur boðskapur, tí tað er eitt aftursvar til stjórnina í Ungarn. Hon hevur fyri kortum framt broytingar í lóggávuni, ið eru í móti LGBT og teirra hugsjón.
Bólkur F:
Týskland – Ungarn (20.00)
Portugal – Frakland (20.00)
Støðan:
1: Frakland 4(stig) +1(málmunur)
2: Týskland 3 +1
3: Portugal 3 +1
4: Ungarn 1 -3
