Brandur Enni hevur fingið ein kjans av teimum heilt stóru, nú hann er sloppin við til svenska Grand Prixið.
Kappingin telist millum stóru hendingarnar í svenskum tónleiki, og nógvir kendir tónleikarar hava roynt seg í kappingini.
Svenska sjónvarpið ger sum vera man nógv burtur út, og hyggjarafjøldin er stór.
Svenska Grand Prixið verður av kennarum roknað sum tann besta kappingin í Europa, og seinastu fimm árini hevur kappingin fingið alt størri týdning fyri svenska tónleikamarknaðin. Og Brandur Enni kann brúka møguleikan til nakað spennandi, tí á hvørjum ári floyma Grand Prix-sangararnir inn á svenska hitlistan – og tað varðan vanliga í einar tríggjar ella fýra mánaðir.
32 sangarar eru við í kappingini, og tey bestu verða vald út til finaluna. Fyrsta innleiðandi umfarið verður tann 9. februar, og samanlagt eru fimm umfør, áðrenn sjálv finalan verður hildin í Globen í Stockholm tann 15. mars.
