Ígjár tók Breiðablik uttan Klæmint A. Olsen móti Stjörnuni á Kópavogsvøllinum í seinasta dystinum í ovara endaspælinum í bestu íslendsku fótbóltsdeildini.
Breiðablik mátti vinna dystin fyri at tryggja sær triðja plássið og harvið bronsuheiðursmerki.
Men tað gekk ikki eftir ætlan. Stjarnan vann dystin 2-0.
Sostatt fær Klæmint einki heiðursmerkið á hesum sinni, men hann og liðfelagarnir hava skrivað søgu við at vinna seg í bólkaspælið í Europa Conference League.
Fjórða plássið røkkur tó til, at Breiðablik kann taka lut í undankappingini til Europa Conference League komandi kappingarár.
26. oktober spælir Breiðablik á útivølli móti Gent í bólki B í bólkaspælinum í Europa Conference League.
Endaliga støðan í ovara endaspælinum:
Støðan:
| Nr | Lið: | Dystir | V | J | T | Málmunur | Stig |
| 1 | Víkingur Reykjavík | 27 | 21 | 3 | 3 | 76:30 | 66 |
| 2 | Valur | 27 | 17 | 4 | 6 | 66:35 | 55 |
| 3 | Stjarnan | 27 | 14 | 4 | 9 | 55:29 | 46 |
| 4 | Breiðablik | 27 | 12 | 5 | 10 | 52:49 | 41 |
| 5 | FH | 27 | 12 | 4 | 11 | 49:54 | 40 |
| 6 | KR | 27 | 10 | 7 | 10 | 38:48 | 37 |
