Bretska uttanríkisráðið sigur í dag, at Bretland fer saman við teimum, sum skulu gera eina ætlan fyri, hvussu russiskir leiðarar kunnu rættarfylgjast fyri kríggið ímóti Ukraina.
– Hesi brotsfólk skulu ikki sleppa órevsað, sigur bretski uttanríkisráðharrin, James Cleverly, í eini fráboðan. Hann sipar til tey mongu dripnu herfólkini og sivil fólk eins og allar tær milliónir av ukrainum, sum hava verið noydd at flýggja.
– Tí hevur Bretland tikið ímóti ukrainsku innbjóðingini til at koma við í hesa samgongu, har vit hjálpa til við okkara løgfrøðiligu serfrøði í at kanna møguleikarnar fyri at tryggja, at russiskir leiðarar verða settir til svars fyri sínar gerðir, sigur hann.
/ritzau/Reuters
