VÍF hevði í kvøld møguleikan at leggja seg sjey stig framum KÍF og H71, og harvið tryggjað sær at hava vunnið grundspælið í Burn Mansdeildini.
Men tað hendi ikki tá VÍF tók móti Team Klaksvík á heimavølli í høllini í Vestmanna í kvøld.
Heldur óvæntað vann Team Klaksvík dystin 30-29. Jens Pauli Poulsen skoraði sigursmálið tá bert seks sekund vóru eftir av dystinum.
VÍF var annars á odda 14-11 í steðginum, og tá 50 minuttir vóru farnir av dystinum vóru vestmenningar á odda 26-22. Men seinastu 10 minuttirnar vóru klaksvíkingar omaná, og knógvaðu seg framum í seinastu løtu.
Umframt hørðu kappingina millum KÍF og H71 um annað plássið, ið gevur beinleiðis atgongd til FM-hálvfinalurnar, so er eisini hørð kapping millum Neistan, Team Klaksvík og StÍF um at tryggja sær fjórða plássið, ið gevur heimadyst í FM-fjórðingsfinaluni.
##med2##
Her er dómaraseðilin frá HSF:
##med3##