Avstralski ríkmaðurin Clive Palmer hevur skrivað undir sáttmála við eina skipasmiðju í Kina, sum skal byggja honum eina nútímansútgávu av tí kenda ferðafólkaskipinum Titanic. Byggiharrin sigur, at gongst sum ætlað, verður skipið sett í sigling í 2016.
Skipið skal minna sum mest um Titanic, men umborð verður øll nútímans útgerð, og sera stórur dentur skal leggjast á at gera skipið so trygt sum til ber, sigur BBC.
Fyri fjúrtan døgum síðani vóru 100 ár, síðani Titanic rendi á eitt íafjall í Atlantshavinum og sakk.
