Ólavsøkuaftan skipaði Havnar Svimjifelag fyri kappsvimjing á Havnarvág, fyri fimtu ferð síðan hesin táttur varð tikin upp aftur í 2010.
Svomið varð góðan 400 metrar framvið Molanum, frá rampuni ytst úti og inn í Krókin. Tey vóru eini 21 sum lupu á bláman, og 20 sum fullførdu teinin.
Skjótast vóru tey bæði Cecilia Eysturdal úr Ægir og Marius Ihlen Gardshodn úr Havnar Svimjifelag, sum fingu júst somu tíð 4:55.6.
Hetta var nýtt met hjá kvinnum, har Cecilia og Lív Eidesgaard áttu metið frá 2012 og 2013, á 5:27.8. Magnus Jákupsson eigur metið hjá monnum, á 4:18.0 frá kappingini í 2011.
Og her skal at nevnast, at Cecilia svam ikki í vátdrakt, men í vanligari kappsvimjidrakt. Vátdraktir eru umframt heitari eisini væl skjótari, tí at bjálvingarevnið fær svimjaran at flóta betri í sjónum.
Í kappingini fyri svimjarar eldri enn 25 ár vórðu Randi Holm og Andrass Thomsen úr Havnar Svimjifelag skjótast, bæði við stórari betring av viðkomandi bólkameti.
Randi svam 8:04.4, har Anja Joensen átti metið á 8:44.0 frá kappingini í 2012, og Andrass svam 5:02.4, har Remi Lamhauge átti metið á 6:16.8 frá kappingini í fjør.
Og tey vóru nógv sum settu persónlig met eisini.
Kvinnur
- Cecilia Eysturdal 4:55.6 - met
- Vár Erlingsdóttir 5:00.4
- Signa Vár Dávadóttir 6:46.9
Kvinnur 25 ár og eldri
- Randi Holm 8:04.4 - bólkamet
- Elin Olsen 8:52.3
Menn
- Marius Gardshodn 4:55.6
- Bartal Erlingsson 6:33.3
- Teitur Winther 8:54.2
Menn 25 ár og eldri
- Andrass Thomsen 5:02.4 - bólkamet
- Janus T. Olsen 5:11.3
- Jon Hestoy 5:25.4
- Ólavur Paulason 5:42.9
- Erling Eidesgaard 5:49.1
- Remi Lamhauge 5:50.9
- Sámal Olsen 6:12.9
- Uni Petersen 6:22.5
- Bergleif Sólsker 6:57.8
- Ingi Andreasen 7:01.8
- Leivur Michelsen 7:59.4
- Jón Kragesten 9:43.4
