Í kvøld fer landskappingin í tríggjar vikur langa summarfrí. Leygarkvøldið verður steypafinalan millum Víking og KÍ, og um tvær vikur vera tað landsdystirnir ímóti Ungarn á heimavølli og Lettlandi á útivølli, sum standa fyri tørni, áðrenn tað av álvara verður farið undir endaspurtin heima á landi.
Dagsskráin hjá KÍ, Víkingi og NSÍ er stríðið um FM heitið og heiðursmerkini.
Dagsskráin hjá B36 og HB er at vinna týdningarmikla fjórða plássið.
ÍF tykist vera í onga manna landi. Tað sær TB eisini út til at vera, men TB venjarin tvíheldur um, at hansara lið skal vinna seks stig aftrat, áðrenn tað verður heilt víst, at TB ikki fer nakran veg.
Skála roynir at renna undan botninum, sum AB og B68 í løtuni sita rimmar føst í. Seint seinnapartin hittast hesi bæði liðini á Argjum.
21. umfar
KÍ-TB: Dagfinn Forná kl. 15.00
Víkingur-Skála: Lars Müller kl. 15.00
NSÍ-HB: Petur Reinert kl. 15.00
B36-ÍF: norskur dómari kl. 15.00
AB-B68: Kári J. á Høvdanum kl. 17.15
Støðan
KÍ 47
Víkingur 43
NSÍ 42
B36 35
HB 34
ÍF 25
TB 20
Skála 17
AB 9
B68 7
