Tað er stórur spenningur undan tíggjunda og seinasta FM umfarinum í dart, sum verður komandi vikuskiftið. Remy G. Hansen hevur nú lagt seg á odda í samlaðu kappingini, eftir at hann farna vikuskiftið vann 9. umfar í FM kappingini.
Remy hevur runnið aftaná alt kappingarárið, men við fleiri sigrum á rað, so hevur Remy nú yvirhálað Bárð Olsen í samlaðu FM støðuni. Í finaluni vann Remy 7-2, eftir at Bárður tók fyrsta settið.
Remy og Bárður vóru ájavnir undan níggjunda umfari. Við sigrinum er Remy á odda við fýra stigum undan seinasta umfarinum, sum verður komandi vikuskiftið í Havn.
Í einmansleiki fáa nummar eitt og tvey á styrkilistanum aftaná 10. umfør, ein ferðaseðil og uppihald til kapping uttanlanda í 2015. Spælarar frá nummar 3 til 10 á styrkilistanum spæla eitt endaspæl um triðja ferðaseðilin. Eru spælarar javnir í stigum á styrkilistanum eftir 10 umfør verður spælt millum hesar áðrenn endaspælið. Saman er galdandi fyri tvímansleik, men ein og sami spælari kann bara vinna ein ferðaseðil-
Einmansleikur: Støðan eftir 9. umfar:
Nr. Navn í alt
1 Remy G. Hansen 104 (Stig)
2 Bárður Olsen 100
3 Bogi Isaksen 82
4 Jørgen Meitilberg 74
5 Petur Thomsen 72
6 Jens Albert Simonsen 58
7 Jón Johansen 50
8 – 9 Ólavur Ellingsgaard 40
8 – 9 Jan McIntosh 40
10 Regin Enghamar 34
Tvímansleikur: Støðan eftir 9. umfar:
Nr. Navn í alt
1 Ólavur Ellingsgaard 38 (Stig)
2 Bogi Isaksen 37
3 – 4 Jan Erik Fjallstein 30
3 – 4 Jens Albert Simonsen 30
5 Jan McIntosh 25
6 Remy G. Hansen 24
7 Esmar Mikkelsen 22
8 Bárður Olsen 20
9 – 11 Poul Poulsen 18
9 – 11 Jón Johansen 18
9 – 11 Hans Emil Haraldsen 18
