Tað er nú greitt, at EM-undankappingardysturin millum Ukraina og Føroyar verður spældur í Vilnius í Litava, sunnudagin tann 10. November, skrivar Hondbóltssambandið.
Síðani kríggj brast á í Ukraina, hava ukrainar verið noyddir til at spæla teirra heimadystir uttanlands. Hetta er enn galdandi. Tí verður dysturin millum Ukraina og Føroyar spældur í Avia Solutions Group Arena í Vilnius.
Talan verður um tveir dystir í høllini hendan dagin, tí Litava og Norðurmakedonia spæla eisini tá. Fyrst skulu Føroyar møta Kosovo á heimavølli í Høllini á Hálsi, mikudagin tann 6. november klokkan 19.00.
