Í løtuni eru trý partrolarapør til fiskiskap eftir upsa, og tvey pør fiska gulllaks.
Tað siga tey á Fiskamarknaði Føroya í dag.
Av djúpvatnstrolarunum er ein á Íslandsrygginum. Teir fáa mest av toski og koma inn at landa í næstu viku.
- Tveir djúpvatnstrolarar eru í bretskum sjógvi og fiska svartkalva. Báðir koma inn at landa í næstu viku.
At enda fiskar ein frystitrolari svartkalva í føroyskum sjógvi.
Um smáu trolbátarnar verður sagt soleiðis:
- Ein er á landleiðini og fær mest av flatfiski og toski. Ein er norðanfyri og fær tosk, hýsu og so nakað av flatfiski.
Báðir trolbátarnir koma inn at landa í næstu viku.
Lagt verður aftrat, at trý garnaskip fiska svartkalva og hava brúkiligan fiskiskap.
- Væntandi landa øll garnaskipini í næstu viku, siga tey á Fiskamarknaði Føroya í dag.
