Hóskvøldið verður ein heilt serlig gudstænasta í Vesturkirkjuni í Havn Tað er klokkan 20 hóskvøldið, at hóskvøldið, at ein sergudstænastu verður í vesturkirkjuni fyri tey kristnu úti í stóru verð, sum eru fyri ógvusligum atsóknum Á gudstænastuni fer biskupur at bjóða vælkomin, og prestar og ymiskir samkomuleiðarar, taka lut við kunning og bøn.
- Týski kanslarin, Angela Merkel, hevur tikið til, at kristin eru tey mest atsøktu í heiminum á okkara døgum, siga prestarnir báðir, Anna Dahl Hansen og Bergur Debes Joensen, sum eisini skipa fyri gudstænastuni - Vit, sum liva í trygdum Føroyum, eru ikki so langt frá teimum ræðuleikum í kristnum í londum í Miðeystri, í Nigeria og Korea í hesum døgum.
- Myndir og filmsklipp í hóptali úr Sýria og Irak, vísa, hvussu Isis ger seg inn á hóvligar muslimar, og ikki minst inn á kristin menniskju. Sama er skili í Norður-Nigeria, har Boku Haram hevur brent niður kirkjur í stóru økjum og dripið frá hond.
- Hvat kunnu vit gera sum kirkjur og samkomur? Og hvat kunnu vit gera sum samfelag, spyrja teir báðir prestarnir. Hóskvøldið verður varpað ljós á tey atsøktu kristnu, sum lítla og onga umtalu hava fingið. Á gundstænastuni fara Ann Dahl Hansen og Bergur D. Joensen at tala og kunna um støðuna, kristin eru í nógvastaðni. - Eftir tað fara leiðarar úr kirkjum og samkomum at biðja fyri menniskjunum í hesum støðum, og har atsóknin leikar harðast.
|
