Wayne Rooney er á gáttini til at spæla sín dyst nummar 500 fyri Manchester United, og tað hevði hann, um ikki hann hevði verið darvaður av skaða.
Klokkan 15 í morgin tekur Manchester United ímóti West Ham United á Old Trafford leikvøllinum í Manchester. Wayne Rooney fekk ein skaða í dystinum ímóti Leicester City farna vikuskiftið, og hann verður tí ikki partur av hópinum hjá United.
Bert níggju spælarar hava í søguni spælt meir enn 500 dystir fyri Manchester United. Ryan Giggs hevur metið við 672 dystum fyri felagið.
Annars hava bert 12 spælarar spælt meir enn 500 dystir í Premier League, og eru teir hesir :
| 1 | Ryan Giggs | Manchester United | 632 |
|---|---|---|---|
| 2 | Frank Lampard | West Ham United, Chelsea, Manchester City | 609 |
| 3 | Gareth Barry | Aston Villa, Manchester City, Everton | 575 |
| 4 | David James | Liverpool, Aston Villa, West Ham United, Manchester City, Portsmouth | 572 |
| 5 | Gary Speed | Leeds United, Everton, Newcastle United, Bolton Wanderers | 535 |
| 6 | Emile Heskey | Leicester City, Liverpool, Birmingham City, Wigan, Aston Villa | 516 |
| 7 | Mark Schwarzer | Middlesbrough, Fulham, Chelsea, Leicester City | 514 |
| 8 | Jamie Carragher | Liverpool | 508 |
| 9 | Steven Gerrard | Liverpool | 505 |
| 10 | Phillipe Nevill | Manchester United, Everton | 505 |
| 11 | Rio Ferdinand | West Ham United, Leeds United, Manchester United, QPR | 504 |
| 12 | Sol Campell | Tottenham Hotspur, Arsenal, Portsmouth, Newcastle United. | 503 |
