Royndir hjá amerikonskum granskarum vísa, at rottur, sum líða av einsemi ella strongd, eru í størri vanda fyri at fáa bróstkrabba enn rottur, sum eru saman við øðrum rottum. Granskararnir á Yale University í statinum Connecticut siga, at niðurstøðan er eisini galdandi fyri fólk.
Gretchen Hermes, sum hevur staðið fyri royndunum, sigur við AP, at vandin fyri bróstkrabba vísti seg at vera tríggjar ferðir størri hjá rottum, sum livdu einsamallar.
Hon sigur, at einsemi og strongd eru líka krabbameinselvandi sum royking og stytta livitíðina.
