Alex Mellemgaard hevur givið avboð til landsdystirnar í Nations League móti Aserbadjan og Malta í november. Hann venur ikki við landsliðnum, sum í løtuni venur regluliga á Tórsvølli.
Vinstri bakkurin hjá B36 hevur drigist við skaðar fyri eini tíð síðan, men hevur í seinastuni spælt fast hjá B36, og verið úttikin til landsdystirnar. Millum annað spældi hann á venjingarleguni í Marbella, sum var fyrr í ár.
Nú ger ein fylgiskaði, at hann ikki kann venja við komandi tíðina og má geva avboð til seinastu landsdystirnar í ár. Endaligi hópurin er ikki úttikin, men Alex Mellemgaard er ein av fleiri, sum er úttikin at venja við landsliðnum, nú landskappingin er liðug.
Fyrr í hesum mánaðinum sendi landsliðsvenjarin, Lars Olsen, boð eftir 24 spælarum, sum spælar í føroysku og íslendsku kappingini og eru í Føroyum í løtuni. Her kann tó nevnast, at Pól Jóhannus Justinussen og Tróndur Jensen eisini hava givið avboð.
Hópurin:
Teitur Matras Gestsson, HB
Kristian Joensen, KÍ
Atli Gregersen, Víkingur
Odmar Færø, B36
Jógvan Rói Davidsen, HB
Magnus Egilsson, HB
Alex Mellemgaard, B36
Jóannes Kalsø Danielsen, KÍ
Hørður Askham, KÍ
Gunnar Vatnhamar, Víkingur
Bartal Wardum, HB
Rene Shaki Joensen, Grindavík (ICE)
Kaj Leo í Bartalsstovu, ÍBV (ICE)
Brandur H. Olsen, FH (ICE)
Jákup Biskupstø Andreasen, KÍ
Meinhard E. Olsen, B36
Jóannes Bjartalíð, KÍ
Adrian Justinussen, HB
Sølvi Vatnhamar, Víkingur
Eli Falkvard Nielsen, B36
Klæmint Andrasson Olsen, NSÍ
Jákup Ludvig Thomsen, FH (ICE)
