TRÝST á PÍLIN undir MYNDINI, og hoyr samrøðuna sum var við liðskiparan hjá 07 Vestur, Høgna Egilstoft Nielsen í sendingini "Triði Hálvleikur" á FM1 aftaná Høgni og liðfelagarnir høvdu tapt 0-3 ímóti KÍ á útivølli.
Høgni Egilstoft Nielsen er væl foreintur við fyrra hálvleik. Tá var støðan 0-0, 07 Vestur hevði hildið KÍ frá tí mesta, og hevði enntá málmøguleikar til at leggja seg á odda.
Liðskiparin hjá 07 Vestur ásannar tó, at tað gekk av skriðuni fyrstu løtuna av seinna hálvleiki. Frá 49. minutt til 64. minutt fekk KÍ trý mál.
Nú hevur 07 Vestur botnuppgerð ímóti AB á Dungasandi vesturi í Sørvági, og Høgni Egilstoft Nielsen sigur, at tað er ein dystur sum 07 Vestur má og skal vinna.
Samrøðan FM1 hevði við høvuðsvenjaran hjá KÍ, Mikkjal Thomassen hoyrist HER
