Håkan Ericson, landsliðsvenjari, hevur í dag úttikið manslandsliðið, sum skal til Baltic Cup í juni. Stóra søgan er sjálvandi hópurin, ið er úttikin, men sum nakað nýtt kunngjørdi landsliðsvenjarin eisini hvørjar spælarar hann ikki kundu úttaka.
Skaðar hava nevniliga rakt fleiri av berandi kreftunum á manslandsliðnum seinnu árini. Her eru ellivu spælarar, sum á einum øðrum degi kundu havt verið uppstillingin til ein landsdyst.
Av hesum hevur Teitur M. Gestsson givið avboð í samráð við landsliðsvenjaran, tí hann hevur próvtøkur um júst hetta mundið. Her er Páll A. Klettskarð ikki íroknaður. Honum stóð í boðið at koma við landsliðnum hesaferð, men valdi at takka nei.
Hetta er spælarar, sum vit ikki kunnu taka út:
Teitur M. Gestsson
Hørður Askham
Odmar Færø
Heini Vatnsdal
Magnus Egilsson
Sonni Ragnar Nattestad
Hallur Hansson
Jákup B. Andreasen
Sølvi Vatnhamar
Andrass Johansen
Jóannes Bjartalíð
