Ellisakfør: Bedford lastbilur frá 1951

Fyrsti føroyski eigarin av bilinum var Sigmund Han­sen í Kollafirði. Sigmund hevði Bedford lastbilin hjá pápa sín­um, Tórur Hansen í Leynum, í huga, tá hann fór at leita sær á net­i­num eftir einum sama slag bili.

Søgan um bilin hjá Tóri Hansen er tann, at tað var Sig­mund Jacobsen í Leynum, ið keypti bilin sum nýggjan í 1948. Hann hevði tá nummarplátuna 266 (við eini hond framman fyri numm­ari­num). Eftir at Sigmund doyði av vanlukku í 1953, koyrdi Tórur Hansen bilin, sum í 1954 bleiv skrásettur í han­sara navni við nummarplátuni Fø 404.

Sigmund Hansen fann bilin, sum hann leitaði eftir á eini norsk­ari heimasíðu. Talan var um ein Bedford MLT frá 1951. Bil­ur­in fór úr Oslo til Frederikshavn í Norðurjútlandi. Haðani til Hants­holm og heim við Norrønu og var her 21. mai 2007.

Bilurin stóð í garasjuni í eina tíð. Setrini vórðu send til ein polstr­ara á Skála, sum polstraði tey av nýggjum. Tá bil­ur­in var klárur, fekk hann nummarplátuna Fø 404 eins og bil­ur­in hjá pápanum.

Bilurin hevur motor við 6-sylindarum og 75 hk. Hann er lágt gear­aður og koyrir einans 55 km/t á sløttum við fullari ferð. Hes­in kann vippa lastina afturav. Tað var ikki sjálvsagt tá í tíð­ini. Í gomlum lýsingum sæst, at lastbilaeigarar lýsa við at bil­urin hevur vippu, sum var nakað nýtt tá.

Gundur Johanneson á Signabø keypti seinni bilin frá Sig­mundi. Hann gjørdi ymiskt við bilin og fekk hann lakkeraðan av nýggj­um. Nakað eftir at Gundur andaðist í 2019, varð bil­ur­in settur til sølu, og teir báðir Valdimar Valdimarsson og Stig Hansen keyptu bilin. 

Valdimar og Stig eru limur í Føroya Ellisakførum, har teir hava pláss til bilin í hølunum hjá felagnum undir Gráasteini. Teir eru eisini við bilinum til flaggdagskoyring og til onnur til­tøk hjá felagnum.

Um Bedford

Bedford bilarnir vórðu fram­leidd­ir av Vauxhall Mot­ors Ltd. í Luton í Ong­landi, sum var partur av General Motors. Fram­leiðsl­an av Bedford byrjaði 1931 við tí end­a­málið at gera  vinnubilar sum t.d. vøru­bil­ar og lastbilar.

Frá síðst í 1940-unum til síðst í 1960-unum vóru Bedford last­bil­ar­nir nógv at síggja á før­oysku vegunum. Teir koyrdu t.d. fisk og kol og annars sum ar­beiðs­bil­ar.

Tórshavnar Sløkk­i­lið fekk ein Bed­ford brand­bil í 1948 eins Tórs­havn­ar komm­una fekk ein Bed­ford lík­bil, sum var fyrsti lík­­bil­ur í Før­­oyu­m. Áðr­enn tað vóru last­bil­ar nýtt­ir til lí­k­koyring.

##med2##

##med3##

##med4##

##med5##

##med6##

##med7##

##med8##

##med9##

##med10##

##med11##

##med12##

##med13##

##med14##

##med15##

##med16##

##med17##

##med18##

##med19##

##med20##

##med21##

##med22##

##med23##

##med24##

##med25##

##med26##

##med27##

##med28##

##med29##

##med30##