Amerikanski arbeiðsmálaráðharrin, Alexander Acosta, hevur fyri løtu síðani sagt seg úr starvi hjá Trump stjørnuni.
Uppsøgnin kemur eftir, at Acosta hevur verið undir hvøssum atfinningum fyri sín leiklut sum ákæri í einum máli, har ríkmaðurin Jeffrey Epstein var ákærdur fyri at gera seg inn á gentur undir aldur.
Jeffrey Epstein varð herfyri handtikin fyri at hava rikið menniskjahandil við gentum, ið vóru yngri enn 15 ár. Í sambandi við handtøkuna fann løgreglan eisini fleiri hundrað nakinmyndir av ungum gentum í íbúðini í New York.
Acosta var ákæri, tá Epstein ákærdur fyri at hava gjørt seg inn á ungar gentur. Ásamt kom tá um sáttargerð um partvísan ákærufrágang, um Epstein játtaði seg sekan. Epstein fekk 13 mánaðar fongsulsrevsing, og atfinningar hava verið, at hetta var alt ov lítið í mun til grova lógarbrotið.
Acosta vardi mikudagin avgerðina, og segði, at um avtala ikki var fingin í lag við Epstein, var ikki vist, at hann hevði verið dømdur.
Alexander Acosta er sostatt tann seinasta í longu røðini av starvsfólki, ið antin eru søgd úr ella hava sagt seg úr starvi í Trump stjórnini.
