Uttanríkisráðharrarnir í ES hittast týsdagin til kreppufundar um ísrael-palestinska stríðið, upplýsir uttanríkisstjórin í ES, Joesp Borrel.
– Eftir vaksandi stríðið millum Ísrael og Palestina og tað stóra talið av sivilum, sum eru deyð og særd, sum ikki kann góðtakast, eru ES uttanríkisráðharrarnir stevndir á fund týsdagin, sigur Josep Borrell og leggur afturat:
– Vit vilja samskipa og tosa um, hvussu ES best kann stuðla undir at fáa steðgað harðskapinu, skrivar Josep Borrel á Twitter í dag.
Uttanríkisstjórin hjá ES hevur áður manað til frið í og kring Eysturjerusalem.
– Støðan viðvíkjandi útsetingum av palestinskum familjum er nakað, sum veruliga skapar ótta. Slíkar gerðir er ólógligar sambært fólkafættinum og fara bert at økja spenningarnar, segði hann fyrr í vikuni.
##med2##
Í Frankaríki hevur stjórnin í einum áheitan á ísraelska leiðaran, Benjamin Netanyahy, sagt, at valdsnýtsla eigur at vera lutfalslig.
– Vit siga púra greitt, at tað má vera lutfall í valdsnýtsluni frá ísraelskari síðu, stóð fyrr í vikuni í eini fráboðan frá franska varauttanríkisráðharranum, Jean-Baptiste Lemoyne.
##med3##
/ritzau/AFP
