Við hópin av áhugaverdum taldømum setti Hóraldur Joensen einkul roknidømi upp um, hvussu lítið føroyingar gagnnýta tilfeingið úr havinum.
Til dømis úr livrini, skræðuni, rognum, fiskablóði, garnarum, o.m.m.
Dømi:
Í 2005 veiddu vit umleið 108.000 tons av botnfiski. Av hesum kundi verið ein livurúrtøka á o.u. 7% ella 7600 tons/ár.
Úr hesum kundi verið vunnið 4000 tons av lýsi.
Lýsi í fløskum Dkr 150–300 /kg, sum kundi givið Dkr 600–1200 milliónir /ár.
Ella um hetta var gjørt til lýsiperlur av bíligum slag Dkr 0,5 /g; so kundi hetta givið Dkr 2 milliardir /ár.
Tá er ikki tikið við tað gagnliga árinið, hesar omega-3 fitisýrunar hava á t. d. nervaskipan, immunskipan, heilavirkni, sjón, húð, liðir, krabbasjúkur, sukursjúku, tunglyndi o.m.m.
Men vit blaka heldur livrina út.
Hóraldur vísti á fleiri líknandi dømi.
Eitt miðvíst granskingar- og søluaarbeiði vantar, saman við einum politiskum vilja um, at so skal verða, helt Hóraldur fyri.
At enda setti Hóraldur Joensen spurnartekin við:
• Vilja føroyingar granska? Sær ikki soleiðis út!
• Vilja føroyingar virðisøkja veiðu? Sær ikki soleiðis út!
• Vilja føroyingar arbeiða móti størri vinningi? Sær ikki soleiðis út!
• Eru føroyingar kaos-elskandi, sjálvdestruktivir fíggjarligir masochistar? Sær soleiðis út!
