Norrøna, Atlantshavið: ? Tað er einki at ivast í, at nýggja Norrøna fer
at hava stjóran týdning fyri ferðavinnuna í Føroyum. Hetta sigur Heri
Niclasen, stjóri á Ferðaráð Føroya.
? Vit fara í eina nýggja epoku
við nýggju Norrønu. Hetta er í veruleikanum tann triða epokan í nýggja
ferðaflutningssøgu í Føroyum, tá vit tosa um skip. Fyrst var tað Smyril
í 1975, síðani Norrøna í 1983 og nú nýggja Norrøna, sigur hann.
Heri
Niclasen sigur, at nú sæst á øllum brøgdum, at Smyril Line kann bjóða
flutning við nútímas skipi, ið lýkur øll krøv, ið ferðafólk hava til
tænastu og komfort.
? Tað er einki at taka seg aftur í, at nógv
ferðafólk vóru ónøgd við støðuna umborð á gomlu Norrønu. Við hesum
tiltaki slepst undan øllum hesum, og Smyril Line kann nú ósmæði fara út
í heim og boða frá hesum, heldur føroyski ferðavinnustjórin, sum leggur
afturat, at skipið lýkur øll skandinavisk krøv til ferðamannaskip.
Ferðavinnustjórin
viðgongur, at tað helst verður tungt við einum so dýrum skipi. Man hann
sigur seg hava skilt, at undirtøkan er góð í apríl og í maimánaði.
Summarmánaðirnir seljast av sær sjálvum, so summarið heldur hann síggja
væl út fíggjarliga hjá Smyril Line.
? Eg dugi sjálvandi ikki at
siga, hvussu tað verður um veturin, men tað at felagið fer at sigla til
Bergens um veturin er spennandi. So er bara at duga at selja hetta væl
? at tey gera átakstilboð, sum fók fara at keypa.
Heri Niclasen
sigur, at tey trý, Smyril Line, Atlantic Airways og Ferðaráð Føroya
hava sera neyvt samstarv um sølu og marknaðarføring, og hann væntar, at
hetta samstarv nú fer at verða enn betur, nú tilboðini verða fleiri.
Ráðini
hjá fyrrverandi sølustjóranum hjá Smyril Line eru, at felagið heldur
fram við at menna nýggj produkt, nýggj tilboð, og at viftan við
taktiskum prísum bara verður størri, og hann leggur dent á týdningin av
at brúka prísviftuna taktiskt.
? Tá nýggjar rutur verða tiknar upp
er altíð neyðugt við góðum marknaðararbeiði og við góðum tilboðum,
sigur Heri Niclasen, sum vísir til mongu nýggju ruturnar hjá
Atlantsflog sum dømi.
At enda sigur hann, at tað at Smyril Line við
hesum er við at leingja um ferðafólkasesongina fer at elva
incomingvinnuni á landi, so sum gistingarhúsum og teimum, ið skipa fyri
tiltøkum og ferðum, eisini at leingja um sesongina.
? Alt hetta kann bara elva til uppaftur fleiri inntøkur, sigur Ferðavinnustjórin at enda umborð á Norrønu á veg á Havnina.
