Lutakast hevur verið til Emerging Nations Cup kappingina, sum verður í Bulgaria 12. til 19. juni.
Føroyar eru komnar í bólk saman við Kina, Moldova og Armenia.
Emerging Nations er ein hondbóltskapping fyri U24-landslið, tó er loyvt at hava tríggjar leikarar eldri enn tað á liðnum.
Hondbóltssamband Føroya skrivar, at ilt er at meta um styrkina á mótstøðuliðunum. Allarhelst er Armenia veikasta liðið, meðan Føroyar og Moldova hava spælt fleiri tættar dystir seinastu árini. Kina er eitt púra óskrivað blað í hesum samanhangi.
Hetta er aðru ferð, at skipað verður fyri Emerging Nations Cup. Vinnarin fær rætt at luttaka í undankappingini til EM. Seinast vann Føroyar kappingina.
Hinir bólkarnir eru:
Bólkur A: Turkaland, Kosovo, Albania, Írland
Bólkur B: Luksemburg, Georgia, Malta, Stóra Bretland
Bólkur C: Kýpros, Bulgaria, Andorra, Aserbadjan
Bólkur D: Kina, Føroyar, Moldova, Armenia
