Faroe Petroleum nú við í William­brunninum á føroyskum øki

Avtalan førir við sær, at Faroe Petroleum fær:

5% av William brunninum á føroyska loyvinum 007, sum er ein leitibrunnur, ið verður boraður í løtuni. BP er fyristøðufelag við 50% av loyvinum, Shell eigur 20% aftaná avtaluna og Ana­darko 25%. Faroe Petrol­eum kann velja at av­marka kostnaðin hjá fe­lagnum til eina ásettað upphædd. Um farið verður uppum hesa upphæddini, kann felagið annaðhvørt velja at halda fram at gjalda í samsvar við ognarpartin hjá felagnum, og soleiðis varðveita 5% av loyvinum, ella at steðga við at gjalda, og soleiðis minka um ognar­partin.

10% av Trym gasskelduni, sum liggur 7 kilometrar frá Harald framleiðslupallinum á markinum millum Noreg og Danmark. Dýpið á øki­num er bert 67 metrar. Eftir avtaluna eigur Shell, sum er fyristøðufelag, 40%, Bay­ern Gas eigur 30%, og DONG Energy 20%. Gass­keldan varð funnin í 1990, og kanningar vísa er at støddin á gassfundinum er 120 milliardir kubikkføtur (svarandi til 20 mió tunnur av olju). Parturin hjá Faroe Petroleum svarar til 12 milliardir kubikk føtur (svar­andi til 2 mió tunnur av olju). Tað eru eisini fleiri onnur góð prospektir á loyvi­num, sum møguliga verða boraði. Í 2006 hand­aði Shell norsku myndug­leikunum eina útbyggingar-ætlan fyri Trym, har ætlanin var at føra gassið víðari til Harald framleiðslueindina, og víðari inn á meginlandið. Norsku myndugleikarnar góðtóku ikki útbyggingar­ætlanina, men roknað verð­ur við, at ein endurskoðað útbyggingarætlan verður handað myndugleikunum, eftir at nýggj feløg eru kom­in á loyvi.

10% av Granat leitiloyvi­num, har Shell, sum er fyri­støðufelag, nú eigur 60%, og Dong 30%. Granat kann verða ein stór oljukelda, tí fleiri fund liggja nær við, og er Shell eisini fyri­støðu­felag á hesum loyvum. Í jan­uar mánað 2009 skal støða takast til, um ein brunnur skal borast á loyvinum.

Handilin er, sum vanligt, treytaður av, at myndugleikir og aðrir loyvishavarar góð­taka treytirnar.