Orsøkin var, at ein sjúklingur frá landssjúkrahúsinum skuldi flytast til Keypmannahavnar beinanvegin. Umboð fyri Atlantic Airways sigur, at einki annað flogfar var í nánd, og tí vórðu ferðafólkini biðin um at fara útaftur, tí talan var um bráfeingis sjúkraflutning.
Flogfarið skuldi til Billund, og øll ferðafólkini sluppu við Maersk-flogfarinum tveir tímar seinni. Sagt verður, at hetta kemur ógvuliga sjáldan fyri, men at seinkingin hjá ferðafólkinum í hesum førinum var ógvuliga lítil.
