“Ferige-time” á Old Trafford

Seks dystir hava verið í 23. umfari í Premier League í dag og í gjár. Manchester United er aftur í topp fýra, fleiri av botnfeløgunum vunnu og Steven Gerrard vann við Aston Villa á gomlu grannunum úr Everton.

Tað var ikki fyrr enn í 92. minutti, at Marcus Rashford skoraði einasta og avgerandi málið í dystinum móti West Ham í dag. Tað bleiv í gomlum døgum rópt fyri “Fergie-time”, tá Manchester United við Sir Alex Ferguson á odda vann dystir móti endanum. Við sigrinum er Manchester United fyribils á fjórða plássi í Premier League.

Í gjár vann Norwich 3-0 á Watford og hálaði seg upp um niðurflytingarstrikuna, meðan Newcastle í dag vann 1-0 á Leeds, og nú nærkast niðurflytingarstrikuni í hvørjum. Stríðið um at sleppa undan niðurflyting er knall hart millum Burnley, Watford, Newcastle og Norwich.

Tað bleiv gjørt nógv burturúr, at Steven Gerrard, venjari hjá Aston Villa, í dag var á vitjan hjá gomlu grannunum Everton, sum hava heimstað í Liverpool. Aston Villa vann 1-0 og góðan gongdin hjá Steven Gerrard heldur fram, meðan Everton er í leikligari kreppu.

Og so er Wolverhampton farið at gera um seg í stríðnum um plássini í Evropa. Wolverhampton vann í dag 2-1 á útivølli móti Brentford.