Ein lítlan hálvan tíma eftir at liðfelagin, Felipe Massa, hevði parkera sín Ferrari við síðuna av breytini sera skuffaður, koyrdi Kimi Räikkönen skjótastu tíðina av øllum og fekk sostatt fyrstu byrjunarstøðu í formil 1 koyringini í Albert Park.
Tað vóru Räikkönen, McLaren bilarnir og Nick Heidfeld í BMW, ið áttu fremstu plássini seinasta part av tíðarkoyringini, og tá avtornaði vóru tað gomlu kappingarneytarnir Räikkönen og Alonso, ið byrja lið um lið í morgin. Nick Heidfeld vísti, at BMW kann gera seg galdandi, við einari sannførandi triðju byrjunarstøðu og liðfelagin hjá honum Kubica í fimtu støðu, vísti at her var talan um annað enn bert hepni.
Fyri Lewis Hamilton, ið koyrdi sína fyrstu formil 1 koyring, var fjórða plássið ein ótrúliga flott byrjan.
Fyri Renault, ið longu frammanundan koyringina mettu seg vera eitt sindur aftan fyri McLaren og Ferrari, staðfesti byrjunarstøðan hjá Fisichella, sum nummar seks og Kovalinen sum nummar trettan, at liðið hevur langt á mál.
Endaliga úrslitið gjørdist hetta:
Úrslit Bilførari Lið
1 Kimi Räikkönen Ferrari
2 Fernando Alonso McLaren-Mercedes
3 Nick Heidfeld BMW
4 Lewis Hamilton McLaren-Mercedes
5 Robert Kubica BMW
6 Giancarlo Fisichella Renault
7 Mark Webber Red Bull-Renault
8 Jarno Trulli Toyota
9 Ralf Schumacher Toyota
10 Takuma Sato Super Aguri-Honda
11 Anthony Davidson Super Aguri-Honda
12 Nico Rosberg Williams-Toyota
13 Heikki Kovalainen Renault
14 Jenson Button Honda
15 Alexander Wurz Williams-Toyota
16 Felipe Massa Ferrari
17 Rubens Barrichello Honda
18 Scott Speed STR-Ferrari
19 David Coulthard Red Bull-Renault
20 Vitantonio Liuzzi STR-Ferrari
21 Adrian Sutil Spyker-Ferrari
22 Christijan Albers Spyker-Ferrari
Hetta er eisini fyribils byrjunarstøðan í koyringini í morgin, tó skal hædd takast fyri, um onkur bilur møguliga fær tíðarrevsing fyri okkurt.
