92 amerikanskir ríkisborgarar sleppa ikki til Russlands, og millum hesar eru fleiri tíðindafólk hjá Washington Post, New York Times og Wall Street Journal.
Sambært russisku tíðindastovuni Ria eru fimm journalistar hjá New York Times, fýra hjá Washington Post og fleiri hjá Wall Street Journal óynsktir í Russlandi.
Tað er sambært tíðindastovuni NTB ikki greitt, hvørjir aðrir amerikanskir ríkisborgarar eru óynsktir í landinum.
Í einari útsøgn sigur russiska uttanríkisráðið, at orsøkin til hesa avgerð er fíggindaligi hugburðurin hjá Biden-umsitingini, sum tikið verður til.
- Russland heldur, at amerikanski forsetin og hansara stjórn hava sum mál at "geva Moskva eitt strategiskt tap", veit tíðindastovan Ria at siga.
