Seinasta samdøgnið hevur Týskland skrásett 2.034 nýggjar tilburðir við korona-smittu, og hetta er størsta tal sum er skrásett yvir eitt samdøgur síðan í apríl.
Sambært Robert Koch-stovninum eru nú skrásettir tilsamans 232.082 smittutilburðir í Týsklandi.
Vøksturin seinasta samdøgnið er hin størsti síðan hin 25. apríl, tá skrásettir vórðu 2.055 smittutilburðir.
Kanningar vísa, at talan sum heild er um lutfalsliga smá - men fleiri - útbrot, har familjur hava havt ymiskar veitslur, og hetta er orsøkin til stóru smittuspjaðingina í løtuni.
Týskland hevði flestu korona-tilburðirnar í apríl, tá talið setti met við fleiri enn 6000 smittutilburðum um døgnið.
