##med2##
Bilframsýningar eru so smátt við at vera eina farin tí vesturheiminum, men í dag lat upp Shanghai Auto Show í Kina, har bæði bilmerki úr Asia og úr vesturheiminum vísa fram 100 nýggj bilmodel.
Tað er sambært blaðstjóranum á Bil Magasinet, Mikkel Thomsager, sermerkit, tá fleiri kinesisk bilmerki venda sær ímóti Evropa.
– Tað streymar inn við nýggjum elbilum í Kina í løtuni. Allir hava kós ímóti vesturheiminum. Tað vilja tey sjálvandi vísa á framsýningini, sigur Mikkel Thomsager.
Blaðstjórin vísir á, at tað bara í ár eru 12 nýggj kinesisk bilmerki á veg til Evropa.
– Tá vit hyggja at bilunum, eru tað einki at seta fingurin á. Fyri 10 árum síðani var talan sum skrambul, sum kom úr Kina.
– Í dag eru tað sera kompetentir bilar, sum næstan eru á odda, tá tað snýr seg um elbilar, sigur Mikkel Thomsager.
Hann greiðir harumframt frá, at tað fyrr í tíðini eisini vóru stóra bilaframsýningar í Evropa í millum annað Frankfurt, París og Genève, men at tær sum frá er liði og serliga vegna koronu eru minkaðar niður í einki.
Í USA vinna bilframsýingar sambært blaðstjóranum fram, har Los Angeles Motorshow er á veg aftur.
Millum tað nýggja lyfti kinesiskt-svenska Polestar slørið fyri einum nýggjum navnið, »Polestar 4«.
Ein elektriskur fýrahjólstrekkari, sum ongan bakrút hevur, sum í staðin fyri bakspegilin hevur ein skíggja, sum vísir myndir úr einum myndatóli aftan á bilinum.
Í tí meira futuristiska hevur BMW víst fram ein konseptbil við navninum »i Vision Dee«, sum kann skfita millum 32 ymsar litir.
Elektriskir bilar eru umleið ein fjórðingur av bilasøluni í Kina, sum er heimsins størsti bilmarknaður.
– Kina er staðið at vera. Vit koma úr München, men vit hoyra heima í Kina, segði Frank Weber, sum er partur av leiðsluni hjá týska bilaframleiðaranum BMW.
Sjálv framsýningin verður á 320.000 fermetrum, har fleiri enn 1000 framsýnarar, og 150 tíðindafundir verða.
Trýstið á pílin undir myndini fyri at hoyra samrøðuna.
/ritzau/AFP
