Um undirtøka er fyri tí í Fólkatinginum, er danska stjórnin til reiðar at gera eina avtalu um verjusamstarv við USA.
Tað ið vit vita um avtaluna og tilgongdina higartil:
* Avtalan hevur verið ávegis síðani februar í 2022, tá samráðingarnar byrjaðu. Síðani hava verið fimm samráðingarumfør.
* Við avtaluni skal verjusamstarvið »styrkjast« millum Danmark og USA. Tað hevur við sær tættari samstarv.
* Tí avtalan gevur USA møguleikan fyri at hava hermenn og hernaðarútgerð á danskari jørð. Tað er eitt nýbrot, sigur Mette Frederiksen, forsætisráðfrú.
* Hon kann tó ikki siga, hvussu nógvar hermenn tað fer at snúgva seg um. Tað kann broytast loypandi, verður sagt.
* Hermenn kunnu bara hava støð á teimum trimum flogstøðunum í Karup, Skrydstrup og Aalborg.
* Eisini er grundarlag fyri samstarvsverkætlanum, sum kunnu hava »amerikanska fígging av hernaðarundirstøðukervi í Danmark«, og tað kann møguliga skapa arbeiðspláss á staðnum í Danmark.
* USA sleppur ikki at hava kjarnorkuvápn á danskari jørð. Tí avtalan broytir ikki danska kjarnorkupolitikkin, har kjarnokruvápn ikki kunnu góðtakast í donskum øki í friðartíð.
* Virksemi sambært avtaluni skal vera »við respekt fyri donskum yvirvaldsrætti, danskari lóggávu og fólkarættarligu skyldunum hjá Danmark«.
* Fremja amerikanskir hermenn lógarbrot í Danmark, er tað sum útgangsstøði USA, sum skal rættarfylgja teimum.
* Avatalan fevnir ikki um Føroyar og Danmark.
* Avtalan í fullum líki verður helst almannakunngjørd seinni í vikuni, tá Lars Løkke Rasmusen, uttanríkisráðharri í Danmark, hevur skrivað undir hana.
Kelda: Verjumálaráðið.
/ritzau/
