Donald Trump hjá Republikanarunum stendur til at vinna svingstatirnar Pennsylvania og Wisconsin í eini forsøgn hjá greiningarstovninum Edison Research.
Tað skrivar tíðindastovan Reuters.
Forsøgnin er gjørd í eini tíð, tá 92 prosent av atkvøðunum eru taldar í Pennsylvania, meðan 85 prosent av atkvøðunum eru taldar í Wisconsin.
Trump fær 51,1 prosent av atkvøðunum, sum eru taldar upp í Pennsylvania, har demokratin Kamala Harris fær 47,8 prosent av atkvøðunum.
Í Wisconsin fær Trump 51,1 prosent av taldu atkvøðunum, og Harris fær 47,3 prosent av atkvøðunum.
/Ritzau/
