Búskaparliga afturgongdin síðan fíggjarkreppuna hevur havt stóra ávirkan á inntøkurnar hjá landskassanum. Tað var framgongd í føroyska búskapinum í 2010.
Ein uppgerð hjá Fíggjarmálaráðnum vísir, at hóast ógvusligu skjálvtarnar í búskapinum seinastu mánaðirnar, tá Eik og Fiskavirking fóru av knóranum, hevur tað framvegis verið framgongd í búskapinum í 2010 samanborið við 2009.
2009 var eitt serstakliga vánaligt ár fyri búskapin.
Samlaðu gjaldingarnar minkaðu við 2% umvegis a-skattaskipanina, og tað er fyrstu ferð síðan búskaparkreppuna í fyrru helvt av 1990-árunum, at gjaldingarnar umvegis a-skattaskipanina eru minkaðar.
Búskaparliga afturgongdin síðan fíggjarkreppuna hevur havt stóra ávirkan á inntøkurnar í landskassan.
Frá 2007 til 2009 minkaðu skattainntøkurnar við 82 miljónum krónum, samstundis sum avgjaldsinntøkurnar minkaðu heilar 442 miljónir krónur.
- Men tíðirnar eru batnaðar, ásannar Fíggjarmálaráðið.
Í 2010 komu 1,475 miljardir krónur krónur inn í landsskatti og 1,383 miljardir krónur í kommunuskatti.
Hetta er stór framgongd samanborið við seinastu tvey árini.
